Gestern Omd bin I durch die Straßen gwandert
koane Wolken und es war no warm.
I bi so dahi hob nix bsonders denkt
da fallt mei Blick auf des Himmelsfirmament.
De Sonn is weg gwen, s´war oba trotzdem klar.
Leuchtende Farben de Stimmung war sonderbar.
Es war no ned spät, is so halbe Zehne gwen
und do hob I a Sternschnuppen gseng.
I hob Ihr nachgschaut, wie sie verglüht
Wiara Feierblume, langsam verblüht.
Sie is zu mir gflogn, in d´Handflächen nei
und hod gsagt, "Biaschal, eitza hast an Wunsch frei".
Solo
Zérst war I verdattert, hob dann überlegt
wos solld I mir wünschen, wos hod denn an Wert.
Autos und Häuser, Partys und Geld,
ja gibt´s denn nix anders, ebs wos wirklich zählt.
De Sternschnuppn liegt warm no in meiner Hand
I frog mei Herz, ned mein Verstand.
I bin zufrieden, mehr brauch I ned zum Leben
und dann hob I den Wunsch wieder zruck gebn.
I hob eam nachgschaut, wie er verglüht
Wiara Feierblume, langsam verblüht.
I bin zufrieden, mehr brauch I ned zum Leben
und dann hob I den Wunsch wieder zruck gebn
Und dann hob I den Wunsch wieder zruck gebn
Und dann hob I den Wunsch wieder zruck gebn